வல்லைவெளி

               துவாரகன்   ஒரு பூனையின் கால்களுக்கிடையே அகப்பட்ட சுண்டெலியின் ஈனமான கீச்சிடல் காதில் ஒலிக்கிறது.   வருந்தி உழைப்பதும் விற்றுப் பிழைப்பதும் ஒன்றென உன் மாயக்கண்ணாடி அறிவு உனக்குச் சொல்லியிருக்கலாம்.   மலக்குழி வெடிப்பினூடாக வெளியேறும் நாற்றம்போல் நடந்து வந்த பாதை. இனி நறுமணத்தைப் பூசிக்கொண்டே நாங்கள் உரையாடவேண்டியிருக்கிறது.   நாற்றம் உனக்கானது. உன்னோடு வாழக்கூடியது. எதிர்காலமும் நாற்றத்தையே புனிதமாகக் கட்டமைக்கும். அப்போதும் உன்பாடு கொண்டாட்டம்தான். தீம்புனல் 2021.05.08

-  பா. இரகுவரன்    சு. குணேஸ்வரன் எழுதிய “மண்ணில் மலர்ந்தவை” என்ற நூல் அண்மையில் கிடைக்கப் பெற்றேன். முன்அட்டைப்படமாக தொண்டைமானாற்றின் அருகாமையில் மரபுரிமைச் சின்னமாக அமைந்திருக்கும் கரும்பாவளிக்கேணி  மிக அழகாக அச்சில் பதிவாக்கப்பட்டிருக்கின்றது. யாழ்ப்பாணம் Book Lab இன் வெளியீடாக வந்துள்ள இந்த நூலை, யாழ்ப்பாணம் “குரு பிறின்டேர்ஸ்” மிகச் சிறப்பாக அச்சாக்கம் செய்துள்ளது.    சமூக முன்னோடி ஓய்வுபெற்ற அதிபர் திரு செ. சதானந்தன் அவர்களுக்கு சமர்ப்பணம் செய்யப்பட்டுள்ள இந்நூலில், சிறுகதை பற்றிய இரண்டு கட்டுரைகளும் நாவல் பற்றிய மூன்று கட்டுரைகளும் கவிதைத் தொகுதிகள் பற்றிய ஆறு கட்டுரைகளும் “கரும்பாவாளி” ஆவணப்படம்  மற்றும் “ஆஸ்திரேலியவில் தமிழ் கற்பித்தல்” ஆகிய கட்டுரைகளுடன் கலை இலக்கிய ஆளுமைகளான கவிஞர் மு. செல்லையா , வே. ஐ வரதராஜன், கண. மகேஸ்வரன், நந்தினி சேவியர், பேராசிரியர் செ. யோகராசா ஆகியோர் பற்றிய ஐந்து கட்டுரைகளுமாக மொத்தம் பதினெட்டுக் கட்டுரைகள் இடம்பெற்றுள்ளன. தொடர்ந்து வாசிக்க :  https://sevvarathai-aachchi.blogspot.com/2021/01/blog-post.html

  மலேசியா இயல் பதிப்பகமும் இலங்கை ஞானம் இலக்கியப் பண்ணையும் இணைந்து நடாத்திய இலங்கை எழுத்தாளர்கள் அறிமுக நிகழ்ச்சியில் 6ஆம் நாள் சு. குணேஸ்வரனுடன் (துவாரகன்) வலையொளியில் நிகழ்த்திய நேரலையின் காணொளி. 

கட்டுரை - கலாநிதி சு. குணேஸ்வரன்  தொல்தமிழர் வாழ்வில் மூத்தோர் வழிபாடாக நடுகற் பண்பாடு அமைந்திருக்கின்றது. சங்கப் பனுவல்களின் தொகுப்பு முறையில் காலத்தால் முற்பட்டவையாகிய அகநானூறு புறநானூறு ஆகியவற்றில் பதுக்கை மற்றும் நடுகல் பற்றிய குறிப்புகள் அதிகம் உள்ளன. நடுகற்கள் எவ்வாறு வீரவழிபாடாகவும் சடங்குமுறையாகவும் மாற்றம் பெற்றது என்பதை இனங்காண்பதே இந்த ஆய்வின் நோக்கமாகும். கடவுள்கோட்பாடுகள் உருவாகுவதற்கு முன்னரே தமக்கு முன்னர் வாழ்ந்து தம்குடிகளைக் காத்து மடிந்த வீரர்களை மூத்தோராகக் கருதித் தலைமுறையாகத் தொடர்ந்த மரபே நடுகல் வழிபாடு என அறிய முடிகிறது. இதுவே பிற்காலத்தில் வழிபாட்டுச் சடங்காகவும் கிராமியத் தெய்வ மரபாகவும் மாற்றமுற்றதெனக் கருதமுடிகிறது.  தொடரந்து வாசிக்க  சங்கப் பனுவல்களில் மூத்தோர் வழீபாடாக நடுகல் - கலாநிதி சு. குணேஸ்வரன் otamil.com/index.php?option=com_content&view=article&id=5639%3A2020-01-18-18-01-21&catid=65%3A2014-11-23-05-26-56&Itemid=82&fbclid=IwAR3fnfOcZkY1TuEQb3Xq6W8bfMOmeNAnfDlmcpG5eD58z2pmPRrOzHXPEg8

"இது அவர் அவ்வப்போது எழுதிய சிறிய கட்டுரைகளாக இருந்தாலும் இந்நூலினது ஒவ்வொரு உள்ளடக்கமும் எளிமையான மொழிநடையில் வலுவான நோக்கில் அமைந்திருப்பது சிறப்பாகக் குறிப்பிடவேண்டியதாகும். இது குணேஸ்வரனின் தனித்துவம் எனக்கூறுவதும் மிகப் பொருத்தமானது. தவிரவும் உணர்வு தோய்ந்து எழுதுவதும் செம்மையான நோக்கினை நயம்பட முன்வைத்தலுங்கூட இவரது தனித்துவ இயல்பாகக் கருதுவதில் தவறிருக்க முடியாது."  சு.குணேஸ்வரனின் "மண்ணில் மலர்ந்தவை" என்ற நூலுக்கு இராகவன் எழுதிய அறிமுகக் குறிப்பு. தொடர்ந்து வாசிக்க  மண்ணில் மலர்ந்தவை

-துவாரகன் அது தன்னைத்தானே தின்று கொண்டிருக்கிறது. கறையானின் இரைக்குத் தீனியாகும் ஏட்டுச் சுவடிபோல. தன் கூட்டத்திலிருந்து தனிமைப்பட்டது. புதிய இணைகளையும் தவிர்த்துக் கொண்டது. இருள் படர்ந்து கண்கள் பூஞ்சையாகி இரத்த ஓட்டம் மரத்து கலங்கள் செயலிழக்கத் தொடங்கின. ஒரு ஒளிப்பொட்டு அதன் கண்களைத் திறக்கும் வரை தன்னைத்தானே தின்று கொண்டிருக்கிறது. 280820191015

- துவாரகன் வானத்தில் சென்றுகொண்டிருந்த பிசாசுகளை அங்கங்கே ஏணி வைத்து இறக்கிக் கொண்டிருக்கிறார்கள். எனக்கும் ஒரு ஏணி தாருங்கள். உங்களுக்கு உதவ. எல்லோரும் ஒன்றுசேர்வோம். எங்கள் வாழ்வை பிசாசுகளுக்கு அர்ப்பணிப்போம். 11/2018