வார்த்தைகள் புரிந்தபோது... சிங்களத்தில்

வார்த்தைகள் புரிந்தபோது... - துவாரகன்

சிங்களத்தில் - இப்னு அஸூமத்

வீட்டுக்குத் தினமும் வரும்

புலுனிகளோடு
என் வார்த்தைகளைப்
பரிமாறிக் கொண்டேன்
எந்தப் பயமுமின்றி அருகே வந்து
தத்தித் திரிவன அவை
சோற்றுப் பருக்கைகளையும்
தானியங்களையும்
தங்கள் சுகதுக்கங்களைப் பேசியபடியே
கொத்தித் தின்றன
பின்னர் விடுவிடுவென பறந்து போயின

என் வார்த்தைகளின் அர்த்தத்தை
மற்றப் பறவைகளும்
புரிந்து கொண்டதில்
காற்றில் மிதந்த புழுகம் எனக்கு

ஒரு மாலைநேரம்
மூஞ்சியை நீட்டிக்கொண்டு
ஒரு கூட்டமே படையெடுத்தது
அன்பு என்ற ஒற்றைச் சொல்
தம்மைப் பயமுறுத்தி விட்டதாம்

நான் கொடுத்த
தானியங்களை மட்டும்
திருப்பித் தந்துவிட்டுப் பறந்தன.
06/2026

වදන් වටහාගත් විට

-----------------------

ගෙට දිනපතා එන

දෙමළිච්චන් සමඟ මාගේ වදන්

හුවමාරු කර ගත්තේය

කිසිම බියකින් තොරව මා අසලට පැමිණ

තතමින් ඇවිදන ඒවා

බත් ඇට ද

ධාන්‍ය ද

තමන්ගේ සැප දුක් කතාකරමින්ම

කොටා කෑවාය පසුව

හිටි ගමන් පියඹා ගියේය

මාගේ වදන්වල අර්ත්තය

අනෙකුත් පක්ෂිනුත්

වටහා ගැනීම

සුළඟේ පාවෙන සතුටක් ගෙන දුන්නේය

එක්තරා සන්ධ්‍යා වරුවක

මුහුණු ඇදකරමින්

එක් කණ්ඩායමක්ම ආක්‍රමණය කළේය

ආදරය කියන එක් වදනක්

තමන් බිය කරන්නට වූයේලු

මා දුන්

ධාන්‍ය පමණක්

ආපසු දී පියඹන්නට වූහ

- තුවාරගන්

- සිංහලෙන් - ඉබ්නු අසූමත්

கருத்துகள்

இந்த வலைப்பதிவில் உள்ள பிரபலமான இடுகைகள்

காடு

-துவாரகன்- அற்புதங்களையும் ரகஷ்யங்களையும் மறைத்து வைத்திருக்கும் அழகிய உலகம் பொய்யும் கபடமும் இந்தக் காடுகளிடம் இல்லை சிறகுவிரித்து நுழைய நுழைய தன் கரம் நீட்டிக் காப்பாற்றும். இயற்கையிலும் வாழ்க்கையிலும் மோகம் கொண்ட மனிதன் காடுகளைக் கண்டடைந்தான். பசியோடு வந்தவனுக்குப் பரிமாறியது காடு ஜீவராசிகளின் சரணாலயம் ஆகியது காடு உயிர்த்தாதுக்களின் உற்பத்தி மையம் ஆகியது காடு காடுகளில்தான் மனிதன் வேட்டையாடக் கற்றுக் கொண்டான் காடுகளில்தான் மனிதன் போராடக் கற்றுக் கொண்டான் காடுகளில் இருந்துதான் மனிதன் நாடுகளைப் பிடித்தான். வீரர்களைக் காக்கும் விரிந்த உலகானது காடு. நாகரீக மனிதனோ, காட்டில் இருந்து வந்தவனை நாடோடி என்றான். காட்டைச் சூழ்ச்சிகளின் கூடாரமாக்கினான். ஆனாலும், காடுகளே அற்புதங்கள் காடுகளே ரகஷ்யங்களின் பொக்கிஷங்கள் காடுகளே விடுதலையின் வெற்றிகள் 051220100655

உறைந்துபோன கண்கள்

-துவாரகன் சொற்கள் செத்துப்போன கணங்களில் கைகளும் கால்களும் உறைந்தன. கண்கள் உயிரின் பாஷைகளாயின. வெளிச்சத்தில் குறுகவும் அதிசயத்தில் விரியவும் பழக்கப்பட்ட கண்கள் அவை பெருமரத்தின் கீற்றுத் துண்டுகள் உயிர்கொண்ட கணத்தில்... மண்ணும் கல்லும் சாந்தும் குழைத்தெழுந்த சுவர்களுக்கு ஈரத்தோடு உயிர்பிறந்தபோது, மனிதர்களுக்காக கண்கள் பேசத் தொடங்கின. எத்தனை ஜோடிக்கண்கள் பேசின எத்தனை ஜோடிக் கண்கள் துடித்தன எத்தனை ஜோடிக்கண்கள் இரந்தன எத்தனை ஜோடிக் கண்கள் பார்த்துக்கொண்டேயிருந்தன. வாழத்துடிக்கும் ஆசை அந்தக் கண்களில் இருந்தது. கருணையை கையேந்தி இரந்துகொண்டே பலிபீடத்தில் வெட்டுண்டு கிடக்கும் ஆட்டின் குருதியென உறைந்திருந்தன. சுருட்டுப்புகையோடு ஆறுதலாய்க் கதைபேசிச் செல்லும் 'சொக்கன்அண்ணா' ஒருநாள் மாலைக்கருக்கலில் பனையால் விழுந்து செத்துக் கிடந்தபோது கண்கள் மட்டும் விழிந்தபடியே உறைந்திருந்தன. சொற்கள் செத்துப்போன கணங்கள் அவை. குப்பையில் தூக்கிவீசப்பட்ட ஒரு பொம்மையைப் போலவே! 04/2012 ---

நகரம்

-துவாரகன் வண்ணமாய் மின்னும் நகரம் அதிகமும் பைத்தியக்காரர்களால் நிரம்பியிருக்கிறது. ஏவிவிடப்படும் இயந்திரமனிதர்கள்போல் யார் யாரோவெல்லாம் இந்த மனிதர்களை இயக்குகிறார்கள். கடமைக்கு விரைந்தவன் கூவிக்கூவி விற்ற கடதாசிப் பூக்களை விலைபேசிக் கொண்டிருக்கிறான். கழுத்துப்பட்டி சப்பாத்து அட்டைகள் பத்திரங்களுடன் பூவரசவேலிக்குள் ஓடாகிப் போன மனிதர்களை ஏமாற்றப் புறப்படுகிறார்கள் இன்னுஞ்சிலர். மூச்செடுக்க முட்டுப்படுபவனிடம் வைத்தியசாலை வாசலில் நின்று பிச்சை கேட்கிறான் ஒருத்தன். பெற்றவரும் மற்றவரும் நோயில் செத்துக்கொண்டிருக்க கண்ணை மின்ன மின்ன அதிசயப் பிராணிகளென படம் பிடிக்கிறார்கள் வேற்றுக்கிரகத்தால் நேற்று வந்த மனிதர்கள். தனியே சிரிப்பவர்களும் வீதியில் கனாக்காண்பவர்களும் கண்ணாமூச்சி விளையாடுபவர்களும் கண்டுபிடிக்கப்படுபவர்களும் இன்னும் நவீன பைத்தியக்காரராய் உருமாறிக்கொண்டிருக்கிறார்கள். குழந்தைகளும் செல்லப்பிராணிகளும் க...

வல்லைவெளி

இந்த வலைப்பதிவில் தேடு