- துவாரகன்
அழுக்கு அகற்றுதல் நன்று
உள அழுக்கு அகற்றுதல்
அதனிலும் நன்று
வழிகள் தெரிந்து வைத்திருந்தோம்
மீதிப் பணியாரத்தோடு
பண்பையும்
குப்பைக்கூடையில் வீசி விட்டோமே!
யார் தருவார் அறிவாசனம்?
யாருக்கு யார்
சரியாசனம் என்றுதானே
தராசுடன் திரிகிறோம்
ஒரு பாதகமும் இல்லை
மூளையைத்
தனியே கழற்றி எடுத்து
சலவை இயந்திரத்தில் தோய்த்தால்
எல்லாம் சரியாகிவிடும்.
கருத்துகள்
கருத்துரையிடுக