முதன்மை உள்ளடக்கத்திற்குச் செல்

முதுமரத் தாய்


- துவாரகன்

அடங்க மறுத்து
ஆர்ப்பரிக்கும் அலைகளாக
தீர்ந்து போகாத நினைவுகள்

வாழ்வின் இறுதி மணித்துளிகள்
அந்த விழிகளுக்குள்
இறுகிப்போயின.
சிறகடிக்கும் ஆசைகள்
மண்ணோடு மண்ணாய்
இற்றுப்போயின.

தளர்ந்து செதிலாகிப் போன
கால்களை நீட்டியபடி
இன்னமும் தீர்ந்து போகாத
அந்த நினைவுகளோடு
காத்திருக்கிறாள்
முதுமரத் தாயொருத்தி.

அறுந்துபோன செருப்பைத்
தூக்கியெறிந்து விட்டு செல்வதுபோல்
எல்லோரும்
அவளைக் கடந்து கொண்டிருக்கிறார்கள்.
2013/05

கருத்துகள்

  1. துவாரகன்மே 28, 2013 11:19 PM

    Jeeva Kumaran

    10:45 PM (33 minutes ago)

    to me
    அறுந்துபோன செருப்பைத்
    தூக்கியெறிந்து விட்டு செல்வதுபோல்

    Very good PADDIMAM

    Vaalthukkal

    With regards
    Jeevakumaran from Denmark

    பதிலளிநீக்கு
  2. துவாரகன்மே 30, 2013 5:23 PM

    Chandra Sekaran

    9:54 AM (0 minutes ago)

    to me
    முதுமரத்தாய் அருமையான சொல் .கவிதை, இழந்த சோகங்களை மீட்டெடுக்க முயற்ச்சிக்கிறது .இற்றை நாள் கொடுமையை விளக்குகிறது .
    நல்ல கவிதை நண்பா .......
    சந்திரசேகரன்

    பதிலளிநீக்கு
  3. துவாரகன்மே 31, 2013 3:19 AM

    Neelambigai Kanthappu

    9:51 PM (0 minutes ago)

    to me
    ஐயா
    எனக்கு தங்களை யாரெனத் தெரியவில்லை .ஆனால் எனக்குப் பொருந்தும் போல் இருக்கின்றது . நம்பிக்கை, முயற்சி திருவினையாக்கும் .
    நன்றி
    க .நீலாம்பிகை

    பதிலளிநீக்கு
  4. துவாரகன்மே 31, 2013 3:25 AM

    Kotti Thirumuruganadam

    6:35 PM (0 minutes ago)

    to me
    பேரன்புடையீர் வணக்கம்.

    கவிதை மிகவும் நன்றாக உள்ளது. நல்வாழ்த்துகள்.
    அன்புடன்

    கோட்டி திருமுருகானந்தம்.

    பதிலளிநீக்கு
  5. துவாரகன்மே 31, 2013 3:57 AM

    Saddanathan Kanagaratnam, Sinnaraja Vimalan, Theepika Theepa and 7 others like this.
    Pirainila Krish

    அறுந்துபோன செருப்பைத்
    தூக்கியெறிந்து விட்டு செல்வதுபோல்
    Tuesday at 6:46am · Unlike · 1


    யாழ். இலக்கியக் குவியம்

    அடங்க மறுத்து
    ஆர்ப்பரிக்கும் அலைகளாக
    தீர்ந்து போகாத நினைவுகள்
    Tuesday at 4:48pm · Unlike · 1

    பதிலளிநீக்கு
  6. kurinjivendenஜூன் 05, 2013 8:01 PM

    உள்ளுக்குள் ஓடிக்கொண்டிருக்கும்
    சோகங்களை,
    பிரவாகமாய்ப்
    பொங்க வைக்கிறது
    உங்கள் கவிதை,
    துவாரகன்

    பதிலளிநீக்கு
  7. துவாரகன்ஜூன் 06, 2013 4:11 AM

    தங்கள் வருகைக்கும் கருத்துக்கும் மிக்க நன்றி

    பதிலளிநீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

காடு

-துவாரகன்- அற்புதங்களையும் ரகஷ்யங்களையும் மறைத்து வைத்திருக்கும் அழகிய உலகம் பொய்யும் கபடமும் இந்தக் காடுகளிடம் இல்லை சிறகுவிரித்து நுழைய நுழைய தன் கரம் நீட்டிக் காப்பாற்றும். இயற்கையிலும் வாழ்க்கையிலும் மோகம் கொண்ட மனிதன் காடுகளைக் கண்டடைந்தான். பசியோடு வந்தவனுக்குப் பரிமாறியது காடு ஜீவராசிகளின் சரணாலயம் ஆகியது காடு உயிர்த்தாதுக்களின் உற்பத்தி மையம் ஆகியது காடு காடுகளில்தான் மனிதன் வேட்டையாடக் கற்றுக் கொண்டான் காடுகளில்தான் மனிதன் போராடக் கற்றுக் கொண்டான் காடுகளில் இருந்துதான் மனிதன் நாடுகளைப் பிடித்தான். வீரர்களைக் காக்கும் விரிந்த உலகானது காடு. நாகரீக மனிதனோ, காட்டில் இருந்து வந்தவனை நாடோடி என்றான். காட்டைச் சூழ்ச்சிகளின் கூடாரமாக்கினான். ஆனாலும், காடுகளே அற்புதங்கள் காடுகளே ரகஷ்யங்களின் பொக்கிஷங்கள் காடுகளே விடுதலையின் வெற்றிகள் 051220100655
10 கருத்துகள்
Read more »

உறைந்துபோன கண்கள்

-துவாரகன் சொற்கள் செத்துப்போன கணங்களில் கைகளும் கால்களும் உறைந்தன. கண்கள் உயிரின் பாஷைகளாயின. வெளிச்சத்தில் குறுகவும் அதிசயத்தில் விரியவும் பழக்கப்பட்ட கண்கள் அவை பெருமரத்தின் கீற்றுத் துண்டுகள் உயிர்கொண்ட கணத்தில்... மண்ணும் கல்லும் சாந்தும் குழைத்தெழுந்த சுவர்களுக்கு ஈரத்தோடு உயிர்பிறந்தபோது, மனிதர்களுக்காக கண்கள் பேசத் தொடங்கின. எத்தனை ஜோடிக்கண்கள் பேசின எத்தனை ஜோடிக் கண்கள் துடித்தன எத்தனை ஜோடிக்கண்கள் இரந்தன எத்தனை ஜோடிக் கண்கள் பார்த்துக்கொண்டேயிருந்தன. வாழத்துடிக்கும் ஆசை அந்தக் கண்களில் இருந்தது. கருணையை கையேந்தி இரந்துகொண்டே பலிபீடத்தில் வெட்டுண்டு கிடக்கும் ஆட்டின் குருதியென உறைந்திருந்தன. சுருட்டுப்புகையோடு ஆறுதலாய்க் கதைபேசிச் செல்லும் 'சொக்கன்அண்ணா' ஒருநாள் மாலைக்கருக்கலில் பனையால் விழுந்து செத்துக் கிடந்தபோது கண்கள் மட்டும் விழிந்தபடியே உறைந்திருந்தன. சொற்கள் செத்துப்போன கணங்கள் அவை. குப்பையில் தூக்கிவீசப்பட்ட ஒரு பொம்மையைப் போலவே! 04/2012 ---
15 கருத்துகள்
Read more »

யாரிடம் விற்றுத் தீர்ப்பது?

-துவாரகன் துளிர்த்துச் சிலிர்த்துப் பற்றிப் படர்ந்து கிட்ட இருக்கும் கிளைகளெல்லாம் எட்டிப் பிடிக்கின்றன நச்சுக்கொடிகள். அன்று முல்லைக்கொடி படரத் தேர் ஈந்தான் பாரி. இன்று நச்சுக்கொடி படர என்னவெல்லாம் ஈந்தனர் எங்கள் பாரிகள். கொடிசுற்றிப் பிறந்த பிள்ளை குலத்துக்காகாது என்றே கோயிலெல்லாம் சுற்றிப் பிணி நீக்கினாள் எங்கள் பாட்டி. வீட்டில் வளர்த்த மாட்டுக்கு குண்டிப்பக்கம் நாகபடம் உடனே விற்றுவிடு என்றார் அப்பா. உடம்பெல்லாம் நச்சுக்கொடி படரத் திரியும் எங்கள் தனயன்மாரை நாங்கள் யாரிடம் விற்றுத்தீர்ப்பது? கிழவியைத் துகிலுரிந்து பார்ப்பதும் குழந்தையைப் பிரித்துக் கிழிப்பதும் குமரியைச் சிதைத்துக் கொல்வதும் இன்னும்... அப்பனையும் அண்ணனையும் அடித்துக் கொல்வதும் எந்தக் குலத்திலையா எங்களுக்குச் சொல்லித்தந்தார்? நாங்கள் நச்சுக்கொடிகளோடு வாழ்கிறோம். இந்த உலகத்தின் அதிமானிடர் என்று சொல்லிக்கொண்டே. 05/2012
7 கருத்துகள்
Read more »