அந்தரத்தில் மிதத்தல்

 

-துவாரகன்

மமதையை, 

யுகங்களாகச் 

சுமந்துவந்த காலம் 

இந்த மனிதர்களின் கைகளில் சேர்த்திருக்கிறது.

கபடம் நல்ல முகமூடி

அதிகாரம் ஒரு சப்பாத்து

அதற்குத் தெரிவதெல்லாம் 

பூச்சிகளும் புற்களும்தான்.

அதிகார போதையில்

வானமும் வசப்படும் 

சிட்டாய்க்கூடப் பறக்கலாம்.

பறந்தாலென்ன? அளந்தாலென்ன?

நிற்பதற்கு மண்ணுக்குத்தானே வரவேண்டும்.

மண் புதைகுழி. 

தீயும்கூடத் தின்று தீர்த்துவிடும்.

சாம்பல்கூடக் கரைந்துவிடும்.

எதுவுமில்லை எதுவும்.

042024

https://vanakkamlondon.com/news/2024/05/217653/